Jio Phone jo ki ek 4G enabled feature phone hai aur July mein launch kiya gaya hai, ko lekar kayi tarah ke doubts ab logon ke mann mein aa rahe hain. Haali hi mein Jio Phone ko lekar jo terms and conditions aayin hain, unse log thode naaraaz aur confused nazar aa rahe hain.
Jio Phone ki in terms and conditions ko lekar jo sawaal uth rahein hain, wo kitne galat aur kitne sahi hain, iski jaankaari aapko is article dwara praapt ho jaayegi.
 
Jio Phone 2.4 inch ki QVGA display  ke saath aata hai aur ye 1.2 GHz dual core processor dwara sanchaalit hota hai. Ismein 512MB ki RAM, 4GB ki internal memory hai aur saath hi microSD slot bhi hai jo 32GB tak ka memory card accept karta hai.
Is phone mein 2 MP ka rear aur VGA front camera bhi hai, iske alawa is feature phone mein GPS, Bluetooth 4.1, Wi-Fi 802.11 b/g/n jaise features bhi milte hain. Ye ek feature phone hokar bhi saare smartphone features ke saath aapko milega. Iski battery bhi 2000mAh ki hai.
Jio Phone ki haal hi mein aayi terms and conditions ke according logon ke mann mein kayi tarah ke sawaalon ne janm liya hai, jinke jawaab aapko niche diye gaye points mein mil jayenge.
 
Question 1. Jio Phone se jude terms and conditions ko ab lagaane ka karan kya hai ? Ye bookings se pehle kyun nahin bataaye gaye ?
Answer – Jio Phone ke launch ke samay yeh bataaya gaya tha ki is phone ko 3 saal istemaal karne ke baad iski waapsi par aapko poore paise waapas diye jaayenge. Lekin ab Jio ne ye 3 saal ki restriction hata di hai aur aap phone kabhi bhi wapas kar apne paise le sakte hain. Lekin is Phone se judi terms and conditions ke according kuch returm charges aapse liye jaayenge, in terms and conditions ko lagaane ka kaaran hai ise durupyog se bachaana.
Question 2. Company ne Jio Phone 3 saal baad launtaane par refund ki baat ki thi, to return charges kyun liye jaa rahe hain ?
Answer – Jio Phone waapas karne par return charges lene ka kaaran hai unlimited free calls ke misuse ko rokna. Ye isliye hai, taaki har koi unlimited calls ka laabh uthaate huye, unke khtm hote hi Jio Phone ko wapas na kare. Isi ka doosra kaaran hai ki koi bhi customer Jio Phone ko kharid kar bina istemaal kiye na rakhe.
 
Question 3. Har saal 1500 rupay ka recharge mandatory kyun hai ?
Answer – Company ki nayi terms and condition ke according 1500 INR tak ka saal ka recharge compulsory hai, jabki customers is baat se naaraaz hain. Lekin yadi ismein dekha jaaye to koi bhi aam insaan per month 400-500 tak ka phone recharge avshy karwata hai, wahin Jio aapko kewal 303 INR mein har mahine mein unlimited calls, 4G data, saari Jio apps ka access de raha hai, jise aap 12 mahine ke according dekhein to 3,636 INR banta hai. To Jio Phone mein 1500 INR saal mein minimum recharge koi nuksaan ki deal nahin hai.
Question 4. – Kya kewal Jio Phone ke saath aane waali SIM hi ismein istemaal hogi ?
Answer – Jio Phone ke saath aane waali SIM ho ya koi aur Jio SIM aapke paas pehle se available ho, aap koi bhi SIM use kar sakte hain. Lekin kisi aur operator ki SIM ismein nahi lagegi.