Full Vision display ho ya edge display, ab sabhi companies 18:9 display ki race mein aagyi hai. Wahin Infocus apna new phone Infocus Vision 3 naam se launch karne wala hai, Amazon.in ke page par Infocus Vision 3 ke key highlights list kiye gaye hai. Checkout Amazon page here
First banner me Smartphone ka naam pata chalta hai, jo ki Infocus Vision 3 hoga, aur tag line Beyond Your Vision hai. Ye smartphone 19 August ko launch hone wala hai, ye bhi yaha mention kiya gaya hai. Aur sabse badi baat yaha ye nazar aa rahi hai ki Infocus ka ye smartphone 18:9 display aur zayada screen area ke saath aane wala hai.
Second banner me indirectly battery life ke baare me bataya gaya hai ki, smartphone me zayada battery hi aajkal customer ki pasand hai. Toh ess banner ko dekh kar aisa lagta hai ye smartphone Infocus Vision 3 ek badi battery ke saath launch ho sakta hai. Badi screen ke saath badi battery ka hona ek bahut acchi baat hoti hai. Kyunki smartphone ko zayada time tak use karne ke liye battery ka long lasting hona bahut jarurui hai. Issliye hum to ready hai Infocus Vision 3 ke liye bhi aur badi battery ke liye bhi.
Amazon ke iss page par customer survey ka bhi ek video dikhaya gaya hai, jahan sabhi logon ne badi screen ki demand ki hai. Aajkal ke trend ke hisaab se smartphone me bigger vision display ek must have specs ban gayi hai. Saath hi saath smartphone ke teaser video se pata chalta hai ki back side me dual camera setup diya gaya hai. Dual camera bhi aajkal better mobile photography ke liye jaruri hai. Umeed karte hai ki Infocus Vision 3 ka dual camera setup kaafi accha hoga, aur ek photo jo iss page me hai, usse ye bhi pata chalta hai ki Infocus Vision 3, rear aur front dono camera se phone le sakta hai. Ye bhi ek advance camera ka feature hai.
Infocus ke 2017 ke trend ko dekhte hue lagta hai, ki ye wala phone bhi ek complete value for money dene wala phone hoga. Jahan iski Screen 18:9, badi battery aur dual camera setup milega. Details specs aur price, ke liye hume 19 December launch ka wait karna hoga. Ye phone amazon.in pe milega ye toh pehle hi pata chal gaya hai.
Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit