Xiaomi jis raftaar se aage badh raha hai, shayad hi koi aur company uski is raftaar ko match kar paaye. Smartphone se lekar refrigerators, power bank se lekar cooking utensils tak, Xiaomi ab aapke ghar mein istemaal hone waali lagbhag sabhi chizon mein apna haath azma raha hai.
Aaj Xiaomi ne apna ek kadam aura age badhaate huye Vima Smart lock cylinder launch kiya jo aapke ghar ki security ko aur mazboot karta hai. Vima Smart lock cylinder 24 of January, 2018 se sale ke liye available hoga aur iski price hogi CNY 399.
Ise aap apne ghar ke darwaaze ke according four different models mein kharid sakte hain.
  1. ZYJ 75-40/35 45mm – 55mm
  2. ZYJ 90-45/45 56mm – 65mm
  3. ZYJ 100-50/50 66mm – 75mm
  4. ZYJ 120-75/45 76mm – 90mm
Hum jaante hain ki smart locking ka system koi nahin baat nahin hai, lekin Xiaomi ne is area mein kuch alag karne ki koshish ki hai. Is lock cylinder ke saath aapko darwaaze ka poora lock badalne ki zaroorat nahin padegi, balki door lock ke cylinder ko is Vima Smart lock cylinder se badalna hai.
Is lock cylinder mein lock kholne ke liye two procedures diye gaye hain, jinmein ek normal mechanical lock hai aur doosra 128 bit security chip. Iske saath aapko 5 color coded keys di jaayengi aur Mi Home App dwara aap chun sakte hain ki kis chaabi se tala khulega. Saath hi Mi Home App se connect hote hi aapko lock khulne par immediately message aa jaayega.
Saath hi is Vima Smart Lock Cylinder mein alarm beeps, lock picking attempts, key kho jaane par kisi bhi key ko delete karne ki ability jaise features bhi moujood hain.
Ye kehna sahi hai ki is baar Xiaomi ne home security ki taraf dyaan dete huye ek achha product launch kiya hai jiske liye aapko poora lock change karne ki zaroorat bhi nahin hai.
Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit