Aaj kal jo bhi news aa rahin hain unmein bahut jyada cryptocurrency ki news bhi hain. Aap keh sakte hain ki ye cryptocurrency ka daur chal raha hai aur New year shuru hote hi aag ki tarah jo khabar faili hai wo hai Bitcoin ko takkar dene ke liye Jio coin launch hone ki. Last week mein lagbhag har bada blog is news ko cover kar chuka hai ki Mukesh Ambani jaldi hi apni cryptocurrency launch kar sakte hain.
Bahut si reports to ye bhi kehti hain ki is project par Mukesh Ambani ka beta Akash Ambani kaam kar raha hai jiske saath ismein 50 young professionals ki team bhi hai.
Lekin isse bhi badi khabar aaj SharmajiInfinity aapko dene waali hai jo ye hai ki “Mukesh Ambani apni koi cryptocurrency launch karne jaa rahe hain” – YE NEW FAKE HAI.
Ji haan, haal hi mein Jio ke senior executives ne khud is khabar ko jooth bataaya hai aur saath hi kaha hai ki Reliance na to kisi cryptocurrency ke project par kaam kar raha hai aur na hi aisi koi planning hai abhi tak.
12 January ko hi ye afvaah behad zoron se aayi thi ki Mukesh Ambani ka new venture hoga ye cryptocurrency aur is project ko unke bete lead karenge. Saath hi is khabar se Bitcoin mein kaafi paisa laga chuke logon ko bbhi dhakka laga, kyonki yadi Jio coin sach mein aa jata to bitcoin kaafi niche gir sakta hai.
                       
Well, abhi ke liye to Jio coin se takkar lene se Bitcoin bach gaya lekin yadi future mein aisa hota hai to Bitcoin ke bhaav kaafi gir sakte hain. Halaanki ye online currencies kisi bhi financial institution dwara regulated nahin hai aur Indian Government ne bhi Bitcoin sahit sabhi cryptocurrencies mein nivesh na karne ki advise di hai. Iske baawjood India mein 6 lakh se jyada cryptocurrency ke trader moujood hai aur log inmein bahut adhik maatra mein nivesh bhi kar rahe hain.

Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit