Last year Moto E4 affordable segment mein ek achha smartphone raha Jo June 2017 mein launch kiya gaya tha, lekin lagta hai Lenovo owned Motorola ne chupke chupke Moto E5 par bhi kaam karna shuru kar diya hai. Ye hum nahin keh rahe hain, balki niche dikh rahi ye image bol rahi hai.
Darasal, is leaked render se yahi lag raha hai ki ye Moto E4 ka successor Moto E5 hai jismein rear panel par fingerprint sensor bhi diya gaya hai. Isse pehle Moto E series ke smartphones mein fingerprint reader Hone Button mein hi aaya karte the.
Is image se ye to saaf hai ki fingerprint reader back panel par hai aur uski mein Moto ka logo bhi nihit hai jo dekhne mein thoda interesting lag raha hai kyonki jyadatar companies ke smartphone plane fingerprint scanner ke saath aate hain aur logo niche hota hai.
Iske alawa front side par bhi capacitive buttons nahin hai balki screen mein hi aapko menu aur back keys di gayin hain aur Home button ki jagah par Motorola ka logo hai. Ismein jo ek kami hai wo ye hi buttons hataane par bhi full view display nahin di gayi hai aur Moto E5 mein wahi traditional 16:9 ki display aayegi.
Iske alawa abhi iske kisi bhi specification ke baare mein poori jaankaari haasil nahin ho paayi hai. Haan, itna zaroor kaha jaa sakta hai ki pichle saal ki tarah Motorola shayad is saal bhi ye budget smartphone second quarter mein hi launch karega aur inka price bhi shayad 10,000 INR se niche hi hoga.
Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit