Paytm Par CashBack Hua Non-transferable, Paytm Cash Feature Annouced

Paytm waise to aapke liye hamesha surprises lekar aata hai, jaise ki cashback offers, Paytm par haal hi mein shuru hui BHIM UPI service aur bhi bahut kuch. Lekin is baar Paytm jo service aapke liye laaya hai uska naam hai ‘Paytm Cash’ jo ki shayad aapko pasand na aaye.

Halaanki ‘Paytm Cash’ naam sunne se aapko zaroor lag raha hoga ki ye kuch achha feature hai lekin ye poori tarah se non-transferable hai. Darasal ab tak apako Paytm se jo bhi cashback mila kartha tha wo Paytm wallet mein pahunch jaata tha, jabki ab ye cashback ‘Paytm cash’ mein jama hoga jise aap na to kisi friend ya family member ko transfer kar sakenge aur na hi apne bank account mein daal sakenge.

Halaanki other online payment apps aisa bahut pehle se karti aa rahin hain, lekin Paytm ne ye service abhi shuru ki hai. Paytm wallet ko ab 2 parts mein divide kar diya gaya hai jismein ek to aapka main wallet hai jismein aap apne bank se paise daalte hain aur inhein kisi ko bhi transfer ya apne bank account mein daal sakte hain ya fir bill bharne ya shopping ke liye use kar sakte hain. Doosra part hai ‘Paytm Cash’ jismein kisi bhi cheez par milne wala cashback jama hoga, jise aap kewal Paytm par shopping ya Paytm dwara kahin bhi payment karte samay hi use kar sakenge.

Paytm Cash service ab sabhi iOS aur Android users ke liye available hai aur apne phone mein Paytm app ko update karte hi aapko Paytm Cash ka option bhi nazar aayega. Paytm cash mein jo bhi amount hoga wo poori tarah se non-transferable hoga lekin kisi bhi merchant ko payment karte samay pehle aapke Paytm Cash mein se money debit hoga aur uske baad Paytm wallet se, jo ki achhi baat hai.

Well, ismein aapko koi khaas nuksaan nahin hai kyonki aap jahaan bhi Paytm se payment karte hain wahaan iska use ho sakta hai aur baaki online payment apps bahut pehle se is service ka upyog kar hi rahi hain.

Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit