Xiaomi Mi Max 3 Ke Specifications Aur Images Leak Hui, 6.99 inch Ki Full View Display Ke Saath Jaldi Hi Hoga Launch

Xiaomi ke Mi Max 3 ko lekar pehle bhi kayi rumors uthe hain jo Andhere mein nishana lagaane jaise the, lekin ab ye saaf dikhaayi pad raha hai ki company ab kabhi bhi apne is tablet cum smartphone ke launch ki announcement kar sakti hai.

Pehle bhi ye baat saamne aayi hai ki Mi Max 3 mein 7 inch ki display ho sakti hai, lekin ab Chinese famous platform Weibo ne bhi ye baat saaf kar di hai ki Mi Max 3 mein 6.99 inch ki full view display hogi. Iske alawa ismein 12 MP ka rear aur 5 MP ka front camera bhi hoga. Halaanki niche di gayi, haal hi mein saamne aayi leaked image se ye bhi clear hai ki ismein dual rear camera setup hai. Lekin ye baat saaf nahin hai ki dono 12 MP sensors hain ya fir alag alag hain.

Saath hi Mi Max 3 4GB ke saath 64GB internal memory aur 3GB ke saath 32GB internal memory variants mein launch ho sakta hai. Image se ye bhi saaf hai ki ismein rear panel ke center mein fingerprint scanner bhi diya jayega. Ye smartphone MIUI 9 dwara sanchaalit hoga aur ismein Qualcomm Snapdragon 660 ya fir 635 processor aayega.

Iske alawa kuch rumors ye bhi hain ki ismein 32GB internal memory nahin hogi balki 64GB aur 128GB ROM ke option available honge. Ismein 5500mAh ki badi battery bhi aayegi jismein Qualcomm ka Quick Charge 3.0 support bhi moujood hoga. Ye kehna abhi thoda mushkil hai ki ismien Android Nougat hoga ya fir latest version 8.0 Oreo software.

    

Mi Max 3 ke bahut se specifications saamne aa chuke hain, kewal price aur availability ka pata lagna baaki hai, jo ki launch ke samay hi bataayi jaati hain. Kayi afvaahon aur ab is khabar ke baad ye to tay hai ki Xiaomi jaldi hi Mi Max 2 ka successor pesh karne waali hai, jis par sabhi ki nazar bani hui hai.

Our Website www.iamurankit.com
Our Youtube Channel I Am Ur Ankit
Follow Us On Facebook I Am Ur Ankit
Follow Us On Twitter I Am Ur Ankit
Follow Us On Instagram I Am Ur Ankit